Бобир Абдихолиқов: Андижондаги баҳсда стадион тўлиши аниқ. Чунки...

Бугун Осиё чемпиони бўлган Ўзбекистон олимпия терма жамоаси Фарғона шаҳрига етиб келди. Футболчиларни Марғило шаҳрида бир қатор мухлислар ва ОАВ вакиллари ҳамда Фарғона вилояти футбол ассоциацияси масъуллари кутиб олишди. oltinvodiy.uz мухбири “Насаф” ва Ўзбекистон олимпия терма жамоаси аъзоси Бобир Абдихолиқов билан қисқача суҳбатда бўлди.

Фарғоналиклар бизни жуда яхши кутиб олишди. Бунинг учун уларга миннатдорчилик изҳор этамиз. Фарғонада катта футболни соғинишган. Бу ерда 2015 йилда “Истиқлол” стадионининг очилишида Янги Зеландия ёшлар терма жамоасига қарши халқаро ўртоқлик учрашуви ўтказилганди. Ўтган давр мобайнида ишқибозлар яна халқаро ўйинларни соғинишгани куриниб турибди.

Эртага бўладиган Андижондаги баҳсда стадион тўлиши аниқ. Фарғонада ҳам бизни мухлислар қўллаб-қувватлашларига ишончим комил. Кения билан ўйинлар осон бўлмайди. Лекин мазкур баҳсларда мухлисларимизни хурсанд этишга ҳаракат қиламиз. Водийда футболни жуда соғинишган, - деди Бобир Абдихолиқов.

Фикрлар

Фикр қолдириш учун авторизациядан ўтинг!