"Bobur arena"da boshqacha bo‘lishi ham mumkin emas yoxud "olovli" muhitda "Burgutlar"dan dastlabki g‘alaba

“Andijon”ning “Mash’al”ga qarshi uchrashuvi o‘ziga xos ahamiyatga ega edi. Zero, klublar elitada oxirgi bor 4 yil oldin kuch sinashishgandi. O‘yinga qiziqish odatdagidek katta bo‘ldi. Bunga sabablar etarli. Doim Andijondagi uchrashuvlar bayramona ruhda va yuqori kayfiyatda o‘tyapti. Bunda albatta fan-klub boshchiligidagi “Ultras Burgut”ning roli katta. “Bobur arena”da bayram yuzaga kelyapti va bu albatta butun stadion bo‘ylab o‘z ifodasini ko‘rsatmoqda. "Bobur arena"da boshqacha bo‘lishi ham mumkin emas.

“Andijon” – “Mash’al” bahsini yurtimizdagi ikki taniqli sharhlovchilar – Xayrulla Hamidov va Davron Fayziev bevosita stadionda sharhlab bordilar. O‘yin kutilganidek mezbonlarning keskin hujumlari bilan boshlandi. Bunday muhitning o‘ziyoq “Burgutlar”ni oldinga chorlashi tabiiy hol. “Andijon”ning xavfli hujumlari dastlabki 10 daqiqaga etmasdanoq gol bilan yakunlandi. Abdulvohid G‘ulomovning qanotdan zargarona uzatgan to‘pini Ilhom Abdug‘aniev boshi bilan darvozaga joylab qo‘ydi.

Garchi “Mash’al” o‘tgan turda “Paxtakor”ga yirik hisobda imkoniyatni boy bergan bo‘lsa-da, “Bobur arena”dagi “olovli” muhitda o‘zini yo‘qotib qo‘ymadi va “Burgutlar”ga munosib qarshilik ko‘rsatdi. Ayniqsa, ikkinchi bo‘limda, uning oxirlarida xavfli hujumlar sodir etdilar.

Albatta, qachonki, mezbon jamoa a’zolari o‘z imkoniyatlaridan foydalana olganlarida 1:0 hisobi o‘zgarishi ham mumkin edi. Lekin bir qator futbolchilardan omad yuz o‘girdi. Ikkinchi bo‘lim yomg‘ir ostida o‘tdi. “Bobur arena” esa tinmadi va muxlislarning ajoyib performanslari, qo‘llab-quvvatlashu, betakror aurasi bilan o‘yinga yanada fayz qo‘shdi.

Og‘ir o‘tgan bellashuvda “Andijon” chempionatdagi dastlabki g‘alabasini qo‘lga kiritdi. 

“Andijon” – “Mash’al” – 1:0 (1:0).

6 aprel. Andijon. “Bobur arena” stadioni. 11200 tomoshabin.

Hakamlar: Ibrohim Ismoilov, Maksim Nexochin, Shoxruh A’zamov.

Zaxira hakami: Isroil Imomnazarov

VAR: Rustam Lutfullin

AVAR: Ruslan Serazetdinov

Nazoratchi: Viktor Serazetdinov

Komissar: Oybek Davletmuratov

“Andijon”: Eldor Adhamov, Islom Mamatkazin, Abdulvohid G‘ulomov, Miomir Jurichkovich, Oleg Zoteev, Altin Kreziu (Iskandar Shoyqulov, 83), Muhammadkaim Toirov, Doniyor Abdumannopov (Bektemir Abdumannonov, 58), Farhod Sohibjonov (Usmonali Ismonaliev, 58), Ilhom Abdug‘aniev (Damir Temirov, 68), Islam Mashukov (Rustam Turdimurodov, 68).

“Mash’al”: Doston To‘xtaboev, Samandar Ochilov (Sherzod Fayziev, 46), Islom Baratov (Anvar Murodov, 46), Ergash Ismoilov, Avazxon Mamatxo‘jaev, Muhammadali Aliqulov, Javohir Abdualimov, Dilshod Rahmatullaev (Sardor Abduraimov, 63), Islom Sharipov (Ibrohim No‘’monov, 89), Ibrohim G‘anixonov, Xumoyun Murtazoev (Shoxnazar Norbekov, 82).  

Gol: Ilhom Abdug‘aniev, 7 – 1:0.