“Bobur Arena”da maydon chimini yangilash ishlari boshlandi (foto)

Bilasiz, so‘nggi yillarda O‘zPFL klublar oldidagi infratuzilma bo‘yicha talablarni qat’iylashtirib bormoqda. Jumladan, maydonlar sifatini yaxshilash bo‘yicha ham klublarimiz jiddiy ish olib borishlari talab etilyapti.

Joriy mavsumda Farg‘onadagi “Istiqlol” stadioni, Toshkentdagi “Jar” o‘yingohi, Buxorodagi “Buxoro” sport majmuasi, shuningdek Urganch shahridagi “Xorazm” sport majmuasi maydoni yangilanib, yana muxlislarni o‘z bag‘rida qabul qila boshladi.

Kelasi mavsumda ham bu borada qat’iy ish olib borish ko‘zda tutilmoqda. Jumladan, ayni paytda poytaxtimizdagi “Bunyodkor” va Jizzaxdagi “So‘g‘diyona Markaziy” stadionida maydon chimini yangilash ishlari ayni avj pallasida.

Shuningdek, kuni kecha Andijondagi “Bobur Arena” stadionida ham chimni almashtirish ishlari boshlab yuborildi.