Бобур Тагиев ММА йўналишидаги навбатдаги жангини ўтказади

24 июнь куни ўзбекистонлик моҳир муайтай устаси Бобир Тагиев ММА йўналишида навбатдаги жангини ўтказади. Хабарингиз бор, юртдошимиз узоқ йиллик профессионал муайтай ва К-1 йўналишидаги фаолиятидан сўнг, ММАда ҳам ўз омадини синаб кўраётган эди. Океан ортида ҳамюртимиз ММА бўйича 2 та жангда ҳам октагонга кўтарилиб улгурди. Ушбу жангларда бир ғалаба ва бир мағлубият қайд этганди.

Ҳозирда Нурсултон Рўзибоев, Фирдавс Ҳасанов билан биргаликда АҚШда машғулотлар олиб бораётган Бобур Тагиевнинг бу сафарги рақиби Майк Жонсон бўлади. Мазкур жанг енгил вазн (70,3 кг) тоифасида "Clip Combat" промоушенида бўлиб ўтади. 

Ўз ўрнида ушбу муҳим жангда ҳамюртимизга омад тилаб қоламиз!