Bobur Tagiev MMA yo‘nalishidagi navbatdagi jangini o‘tkazadi

24 iyun kuni o‘zbekistonlik mohir muaytay ustasi Bobir Tagiev MMA yo‘nalishida navbatdagi jangini o‘tkazadi. Xabaringiz bor, yurtdoshimiz uzoq yillik professional muaytay va K-1 yo‘nalishidagi faoliyatidan so‘ng, MMAda ham o‘z omadini sinab ko‘rayotgan edi. Okean ortida hamyurtimiz MMA bo‘yicha 2 ta jangda ham oktagonga ko‘tarilib ulgurdi. Ushbu janglarda bir g‘alaba va bir mag‘lubiyat qayd etgandi.

Hozirda Nursulton Ro‘ziboev, Firdavs Hasanov bilan birgalikda AQShda mashg‘ulotlar olib borayotgan Bobur Tagievning bu safargi raqibi Mayk Jonson bo‘ladi. Mazkur jang engil vazn (70,3 kg) toifasida "Clip Combat" promoushenida bo‘lib o‘tadi. 

O‘z o‘rnida ushbu muhim jangda hamyurtimizga omad tilab qolamiz!