Боксчиларимиз Япония, Вьетнам ва Россия жамоалари билан шуғулланишмоқда

Шу кунларда Тошкент вилояти Янгиобод шаҳарчасида бокс бўйича Ўзбекистон эркаклар ва аёллар терма жамоаларининг ўқув-машғулот йиғини ўтказилмоқда. 5 июль куни бошланган йиғинга айни пайтда Япония, Вьетнам ва Россия мамлакатларидан ҳам боксчилар қўшилишган.

Йиғин давомида хорижлик боксчилар билан спарринг жанглари ҳам ташкил этилмоқда. Қайд этиш жоиз, ушбу йиғин терма жамоаларга Ханчжоу-2022 Осиё ўйинларига тайёргарликнинг муҳим босқичи вазифасини ўтаб беради. Машғулотлар 20 июлга қадар давом этади.

Манба: МОҚ