Бўлажак юлдузни гранд клублар талашмоқда

Мавсум якунланиши билан “Фулхэм”нинг ҳужумкор футболчиси Фабиу Карвалья янги жамоага ўтиши кутилмоқда.

19 ёшли португалиялик ўйинчи жамоаси билан янги шартнома тузишдан бош тортди ва совринли ўринлар учун курашадиган кучли клублардан бирига ўтишни мўлжаллаяпти.

“Челси” Фабиуни Англияда олиб қолишга тайёр. “Аристократлар” январда ёш футболчи агентлари билан музокараларни бошлашга ҳозирланяпти.

Карвальюга “Челси”дан ташқари “Ливерпуль” ҳам жиддий қизиқиш билдирмоқда ва эркин агентга айланадиган ўйинчига шартнома беришга ҳаракат қиляпти.

Бўлажак юлдуз учун курашга “Реал” ва “Барселона” каби номдор жамоаларнинг қўшилгани 19 ёшли ўйинчи олдига қийин танловни қўймоқда. Карвальюнинг агентлари қишки трансферлар ойнаси очилганида барча талабгорлар билан музокара олиб боришга тайёрланмоқда.