Бўларкан-ку! Месси бир гапи билан Роналду мухлислари ҳурматини қозонди

Журналист саккиз карра “Олтин тўп” соҳиби Лионель Мессидан ўзидан кейин дунёнинг энг кучли футболчилари номини айтишни сўрашди.

“Интер Майами”нинг 38 ёшли ҳужумчи жавоби билан кўпчиликни ҳайрон қолдирди.

- Жаҳонда кучли ўйинчилар жуда кўп. Ҳар бири ўзига хос жиҳатлари билан кучли. Шунга қарамай, Неймар, Килиан Мбаппе, Эден Азар, Луис Суарес ва Серхио Агуэро номини айтаман, - деди Месси.

Журналистлар бу рўйхатда жаҳон футболида энг кўп гол урган ва Мессининг ашаддий рақобатчиси бўлган Криштиану Роналду йўқлигига эътибор қаратиб, бунинг сабабини сўрашди.

- Криштиану нега улар орасида йўқ? Чунки у мен билан бир даражада экани учун айтмадим, - деди Лионель Месси.