Борса-келмас марафони: Ўзбекистоннинг спорт ва экология соҳасидаги халқаро ташаббуси

Ўзбекистоннинг Борса-келмас туз чўлида ўтказилган ноёб халқаро марафон жаҳон спорт ҳамжамияти эътиборини ўзига жалб этди. Бу тадбир нафақат спорт мусобақаси, балки минтақанинг экологик муаммоларига эътиборни қаратишга қаратилган муҳим воқеа бўлди.
 
11 мамлакатдан келган 250 нафар спортчи қуриган кўлтубида пайдо бўлган туз саҳросида ўтказилган мусобақада иштирок этди. Иштирокчилар орасида Nike элчиси, мусулмон аёллар орасида югуришни оммалаштираётган Фараҳ Мажид ва Adidas вакили Гани Сулейман каби таниқли спортчилар ҳам бор эди.
 
Ўзбекистон Экология вазирлиги ташаббуси, "Ўзбекнефтегаз" АЖ ҳомийлиги ва “ProRun” ташкилоти кўмагида ташкил этилган бу тадбир экстремал шароитларда хавфсизликни таъминлаш учун 400 кишилик хизмат кўрсатувчи ходимлар иштирокини талаб қилди.
 
Марафон Ўзбекистоннинг жаҳон спорт майдонидаги мавқеини мустаҳкамлади. Канада, Того, Кения, Иордания, Дания, Англия, Судан, Ҳиндистон, Испания, Беларусь ва Россия каби давлатлардан келган иштирокчилар тадбирнинг халқаро миқёсда ўтишини таъминлади.
 
Бу тадбир спорт ва экология соҳасида халқаро ҳамкорлик учун муҳим платформага айланди. Nike ва Adidas каби машҳур брендлар элчиларининг иштироки эса воқеанинг глобал аҳамиятини яна бир бор таъкидлади.
 
Маҳаллий ҳокимият органлари марафоннинг минтақа иқтисодиёти ва туристик инфратузилмани ривожлантиришга ижобий таъсирини таъкидлади. Бу эса ўзнавбатида Ўзбекистоннинг нафақат спорт, балки экотуризм соҳасидаги салоҳиятини ҳам намойиш этди.
 
Борса-келмас марафони Ўзбекистоннинг спорт ва экология соҳасидаги халқаро ташаббусларининг ёрқин намунаси бўлиб, келажакда бу каби тадбирларнинг мунтазам ўтказилиши мамлакатнинг халқаро майдондаги обрўсини янада оширишга хизмат қилиши шубҳасиз.