Англиялик ҳужумкор ярим ҳимоячи Жейдон Санчо "Боруссия" Дортмунддан "Манчестер Юнайтед"га ўтишга яқин турибди.

Mirror нашрининг ёзишича, немис гранди 21 ёшли футболчининг трансфер нархи бўйича ўз талабларини юмшатишга рози бўлишган. Бир йил олдин "Боруссия" Санчо учун "Манчестер Юнайтед"дан 108 миллион фунт талаб қилганди. Энди немис клуби футболчини 81,5 миллион фунтга (95 миллион евро) сотиши мумкин.

Якунланган мавсум Санчо “Боруссия” сафида 38 та ўйинда иштирок этди ва ўз ҳисобига 16 та гол ҳамда 20 та голли узатма ёздириб қўйди.

Жейдон Санчо "Манчестер Сити" тарбияланувчиси ҳисобланади. У “Боруссия”га 2017 йилнинг ёзида кўчиб ўтган.

Матнда хатолик топсангиз, ўша хатони белгилаб, бизга жўнатинг (Ctrl + Enter)