Бошкович: "Нефтчи" дарвозамиз олдида деярли вазиятлар яратмади"

Суперлига 1-турида "Сўғдиёна" "Нефтчи"ни ўз майдонида қабул қилиб, 1:2 ҳисобида мағлуб бўлди. Ўйиндан кейин мезбонлар бош мураббийи Иван Бошкович ўз фикрлари билан ўртқолашди. 

"Бугун бошқачароқ натижа кутгандик. Албатта, мағлубиятга учраш ёқимсиз. Ўйин анча қизиқарли кечди. Рақиб кучлироқ эди. Уйда ўйнаганда бундай голлар ўтказиш яхши эмас. Рақибга имконият бердик ва улар бундан фойдаланишди. "Нефтчи" дарвозамиз олдида деярли вазиятлар яратмади, аммо минимал имкониятларини голга айлантира олишди.

Хатоларни таҳлил қиламиз ва кейинги баҳсларда бундай хатолар қилмасликка интиламиз. Ҳали мавсум энди бошланди. Кимнинг имконияти қандай эканлигини баҳолашга эрта", - деди Бошкович. 

Эслатиб ўтамиз, "Сўғдиёна"ни 2-турда "Металлург"га қарши баҳс кутиб турибди.