Ботир Қораев: Пастки ўринлардаги жамоаларга қарши ўйинимиз чиқмаётган эди

Coca Cola Суперлигаси 12-турида Муборакнинг "Машъал" жамоаси "Бухоро"ни 1:0 ҳисобида мағлуб этди. Учрашувдан сўнг "газчилар" устози Ботир Қораев ўз фикрларини билдириб ўтди.

"Жиддий тайёргарлик кўрган эдик. "Бухоро" жамоаси сўнгги ўринда кетаётгани боис, футболчилар бор кучлари билан ҳаракат қилишини билар эдик ва бунга тайёргарлик кўрган эдик. Учрашувнинг дастлабки 15-20 дақиқаси биз учун қийин ўтди. Кўплаб вазиятлардан фойдалана олмадик.

Турнир жадвалида биздан пастки ўринларда турган жамоаларга қарши ўйинимиз чиқмаётган эди. "Бухоро" ҳимояга "ётиб олди". 25-дақиқадан сўнг жамоамиз ўзига келиб, кўплаб вазиятларни юзага келтирдик", — деди Қораев.