Бразилия терма жамоаси 2001 йилдан буён илк бор Марказий Америка жамоасини енга олмади

Аввал хабар берганимиздек кеча Бразилия терма жамоаси ўртоқлик учрашувида Панама билан 1:1 ҳисобида дуранг қайд этди.

Эътиборлиси, шу тариқа бразилияликлар сўнгги 18 йилда илк бор Марказий Америка терма жамоасини енга олишмади. Аниқроғи, пентакампионлар сўнгги бор 2001 йил Америка Кубоги 1/4 финалида Гондурасга 2:0 ҳисобида имкониятни бой бериб қўйишган эди.

Эслатиб ўтамиз, Бразилия терма жамоаси ўзининг навбатдаги ўртоқлик учрашувини 26 март куни Чехияга қарши ўтказади.