Бразилияда бир учрашувда 23 та футболчи қизил карточка олди

Бразилияда бўлиб ўтаётган Минас-Жераис штати чемпионатининг финал учрашуви катта жанжал билан якунланди. "Крузейро" ва "Атлетико Минейро" ўзаро тўқнаш келди. Иккинчи бўлимнинг сўнгги сонияларида муштлашув бошланиб, финал ҳуштагидан сўнг оммавий муштлашувга айланди.

Жанжал натижасида 23 нафар футболчи қизил карточка билан жазоланган. Уларнинг барчаси ҳам муштлашувда иштирок этгани учун четлатилди. Муштлашувда иштирок этган футболчилар ичида таниқли бразилиялик ҳужумчи Халк ҳам бор эди.

Эслатиб ўтамиз, ушбу ўйин "Крузейро"нинг 1:0 ҳисобидаги ғалабаси билан якунланди. Муштлашувга қарамай, ўйиндан кейин совринни топшириш одатдагидек ўтказилди.