"Брешия" Маркизиога 1 млн евро маош таклиф қилди. Футболчи 2,5-3 млн евро хоҳламоқда

"Зенит" клуби собиқ ярим химоячиси Клаудио Маркизио фаолиятини "А" Серияда давом эттириши мумкин.

Хабарларга кўра, 33 ёшли футболчига Италиянинг "Брешия" клуби қизиқиш билдирмоқда.

Италиялик футболчи 2,5-3 млн евро маош олишни хоҳламоқда, "Брешия" 1 млн евро ва қўшимча бонуслар беришга тайёр.

Маълумот учун, Маркизио 2018 йилнинг сентябрь ойида "Зенит" сафига қўшилган. Ушбу ёзда жамоани тарк этди. У мавсум давомида 15 та беллашувда иштирок этиб, иккита гол урди.