Бруну Фернандеш МЮ билан музокарани тўхтатди

Криштиану  Роналду келганидан кейин иккинчи планга ўтиб қолган Бруну Фернандеш йил охирида “Манчестер Юнайтед” мутасаддиларининг янги битим бўйича таклифини рад этганди.

Энди португалиялик плеймейкер музокарани ҳам тўхтатди.

Бруну Фернандеш жамоанинг келажаги порлоқ эканига ишонмаяпти. Шу боис ҳамкорликни узайтириш бўйича келишувларни мавсум охирида вазият ойдинлашиб қолган паллада қайта тиклашини маълум қилган.

“Манчестер Юнайтед”га келганидан бошлаб, жамоанинг кўп ғалабаларига катта ҳисса қўшган футболчи хизматига яраша энг катта маош оладиган футболчилар қаторига қўшилмоқчи. Клуб мутасаддилари ҳам унинг талабини қондиришга қарши эмас.

Бироқ кўп нарса “Манчестер Юнайтед”нинг олдиндаги режаларига боғлиқ бўлади.