Бруну Фернандешни учта машҳур клуб чақиряпти

“Манчестер Юнайтед” сардори Бруну Фернандешнинг клубдан кетиши ҳақидаги хабарлар тарқалиши ҳамон давом этмоқда.

Журналист Саймон Стоун маълумотига кўра, португалиялик ярим ҳимоячига Италиянинг “Милан” ва “Ювентус”, шунингдек, Туркиянинг “Галатасарой” клублари жиддий қизиқиш билдирмоқда.

Фернандешнинг шартномасида хориж клублари учун 57 миллион фунт стерлинг, яъни қарийб 67 миллион евро миқдорида товон пули белгиланган. Аммо футболчининг ўзи Манчестерда қолишни, эҳтимол, ҳатто фаолиятининг охиригача шу клубда тўп тепишни истамоқда.

8 сентябрь куни Бруну Фернандеш 32 ёшга тўлади. Унинг “Манчестер Юнайтед” билан амалдаги шартномаси 2027 йил ёзигача мўлжалланган бўлиб, яна бир йилга узайтириш имкониятини ҳам ўз ичига олади.