Бу футболчи “Манчестер Юнайтед”да ўйнашга лойиқ эмас!

“Манчестер Юнайтед”нинг айрим раҳбарлари аввалги бош мураббий Эрик тен Хаг талаби билан жамоага олиб келинган нидерландиялик ҳужумчи Жошуа Зиркзеени тезроқ сотиб юборилишини истамоқда.

Manchester Evening News нашрининг маълум қилишича, улар 23 ёшли ўйинчининг трансфери катта хато бўлганини таъкидлаяпти. Клуб хўжайинлари жамоага кўп гол ура оладиган моҳир тўпурар керак, деган хулосага келган.

Жошуа Зиркзее эса, ишончни оқлагани йўқ. Барча турнирларда 17 маротаба майдонга тушган ҳужумчи атиги битта гол урди. Ҳатто, қимматга олинган футболчи энди асосий таркибга киришга ҳам қийналяпти.

Зиркзеенинг манчестерликлар билан ҳамкорлиги 2029 йилнинг ярмигача давом этиши белгиланган бўлса-да, мутасаддилар уни тезроқ сотиб юбориб, олиб келинадиган янги ҳужумчига жой очмоқчи.