Bu futbolchining "Barsa"da qolish ehtimoli yuqori

"Barselona" hujumchisi Memfis Depay joriy mavsum so‘ngiga qadar  Kataloniya klubida qolishga tayyor. Jurnalist Nikolo Skiraning so‘zlariga ko‘ra, Depayning “Chelsi”ga o‘tishi kutilayotgan Per-Emerik Obameyangdan ko‘ra jamoada qolish ehtimoli ko‘proq.

Eslatib o‘tamiz, ikki hafta oldin Depay "Yuventus"ga o‘tishga yaqin edi. Garchi, "Barselona" uni tekinga qo‘yib yuborishga tayyor bo‘lsa-da, niderlandiyalik futbolchi shartnoma shartlari bo‘yicha turinliklar bilan kelisha olmadi,

Ma’lumot o‘rnida, Depay o‘tgan yozda Ronald Kuman tashabbusi bilan "Barselona"ga ko‘chib o‘tgan edi.