Бу ғалабадан кейин жамоада қолмасам бўлмайди!

“Реал” ярим ҳимоячиси Тони Кроос ёзги трансферлар мавсумида жамоасини ўзгартиришни режалаштираётган эди. Хусусан, германиялик футболчи ўз ҳамюрти Юрген Клопп қўл остида тўп тепишни истаётганди.

“Реал” Чемпионлар лигаси финалида “Ливерпуль”ни мағлуб этганидан кейин Крооснинг фикри ҳам ўзгарди.

- Бундай ғалабадан кейин “Реал”да яна икки йил қолишга қарор қилдим, - деди Тони Кроос.

Жаҳон чемпиони ҳисобланган ярим ҳимоячи мадридликоар сафида 2014 йилдан бери тўп тепмоқда. Унинг амалдаги шартномаси келаси мавсум охирида якунланади.

“Қироллик клуби” унга 2024 йилгача давом этадиган шартнома берганди. Шу кунгача у келишувни имзоламай келаётганди. Энди унинг қарори аниқ бўлди.