Бу икки ўйинчи келса, “Реал”ни енгиб бўлмайди

Ҳар қандай суперклуб сингари “Реал” ҳам трансферлар даврида таркибини кучайтира оладиган маҳоратли футболчиларни ўз сафига қўшиб олишга ҳаракат қилади.

“Қироллик клуби” хўжайини Флорентино Перес жамоаси келаси мавсум ҳам юқори мақсадлар сари курашиши учун юқори малакали ўйинчиларга иш беришга тайёр.

Манбаларга кўра, мадридликлар майдон марказини кучайтирадиган икки ўйинчини ҳамкорликка кўндиргани айтилмоқда. DefensaCentral нашри экспертларининг таъкидлашича, "Реал Сосьедад" етакчиси Мартин Субименди мадридликларнинг ўйин услубига мос тушади ва жамоанинг оғриқли нуқталаридан бўлган таянч зонани тўлиқ ёпишга қодир.

“Қироллик клуби” билан ҳамкорлик қилишга тайёрлиги айтилаётган иккинчи ўйинчи Флориан Вирцдир. 21 ёшли немис футболчиси ҳужумкорлиги билан ажралиб туради. Вирц ёш бўлишига қарамай, кейинги йилларда “Байер”нинг ҳақиқий етакчисига айланган.

Мадридлик мухлислар бу икки ўйинчи таркибга қўшилса, “Реал”ни енгиш янада қийинлашиши ва жамоа янада кўпроқ совринларни қўлга киритиши мумкинлигига ишонмоқда.