Бу мавсум чемпионликка ҳаракат қиламиз!

"Ливерпуль" ҳимоячиси Трент Александер-Арнольд жамоанинг жорий мавсумдаги мақсадини айтди.

"Бизнинг жамоа сифатида асосий мақсадимиз чемпионликни қўлга киритиш ва бу мавсумда ҳам шунга интиламиз. Ўтган мавсум етарлича яхши бўлмади, аммо биз қийин муаммоларни ҳал қилишимизга ишонамиз", - дея англиялик ҳимоячининг сўзларини келтирмоқда "Goal" нашри.

Эслатиб ўтамиз, ўтган мавсум Англия чемпионатида "Ливерпуль" бешинчи ўринни эгаллаб, Чемпионлар лигасига чиқа олмаганди.