Бу мавсум ҳам ЕЧЛда "Бавария" ёки "Барселона" ғолиб чиқадими?

Кеча бўлиб ўтган ЕЧЛ 1/8 финал жавоб учрашувларидан сўнг маълум бўлдики, мусобақанинг чорак финалида “Бавария” ва “Барселона” ўзаро баҳс олиб боради.

Қизиғи шундаки, ушбу икки клуб Чемпионлар лигаси плей-офф босқичида ўзаро 3 марта тўқнаш келган ва ушбу жуфтликда ғалаба қозонган жамоа якунда чемпион бўлган.

2009 йил “Барселона” 1/4 финалда “Бавария”ни мусобақадан чиқариб юборган ва якунда чемпион бўлган, 2013 йилда “Бавария” ярим финалда “Барселона”ни тўхтатган ва кейинчалик бош совринни қўлга киритган. 2015 йилда эса “Барселона” яна ярим финалда “Бавария”га тўқнаш келган ва ғалаба қозониб, кейин турнир ғолиби бўлган.

Энди ушбу жамоалар ўртасидаги навбатдаги тўқнашув 14 август куни бўлиб ўтади.