Бу ўйинчи ҳеч кимга керакмасми?

“Челси” таянч ярим ҳимоячиси Нголо Канте фаолиятини Италия чемпионатида давом эттириш имкониятига эга бўлганди.

Маълумотларга қараганда, “аристократлар” франциялик таянч ярим ҳимоячисидан қутилиш мақсадида унинг хизматларини “Ювентус”га таклиф қилган ва нидерландиялик марказий ҳимоячи Маттейс де Лигтга алмашишни сўраган.

Бироқ, туринликлар бу рокировкани блоклаб қўйди. Кейинчалик улар Маттейс де Лигтни 67 миллион евро эвазига “Бавария”га сотиб юборди.

31 ёшли Канте 2016 йилдан бери “Челси” шарафини ҳимоя қилмоқда. Унинг амалдаги шартномаси мавсум охирида якунланади.