Бу ўйинчи Моуриньога керак бўлмаса, биз оламиз!
“Рома” бош мураббийи Жозе Моуриньо ўзи билан келиша олмай қолган нидерландиялик ҳимоячи Рик Карсдорпни умуман ўйнатмай қўйди.
Спорт директори Тьягу Пинто 27 ёшли футболчини кетадиган ўйинчилар рўйхатига қўшган ва унга янги жамоа қидирмоқда. Клуб бош мураббийга керак бўлмай қолган Карсдорпни январь ойи давомида сотиб юбормоқчи.
“Ювентус” Карсдорп трансферини сўраб, Тьягу Пинтога мурожаат қилган биринчи клуб бўлди. Туринликлар тажрибали ҳимоячи учун пойтахт клубига беш миллион евро таклиф қилган эди. “Рома” раҳбарияти ўйинчини 10 миллион еврога баҳолаётгани учун “Ювентус” мурожаати инобатга олинмади.
Corriere dello Sport нашрининг таъкидлашича, “Ювентус” Карсдорпни олиш фикридан қайтмаган ва тез кунларда иккинчи таклифини юборадиган бўлди.
Фикрлар