Бу қизиқ. Қайси жамоа “Барселона” ва “Реал” гегемонлигига чек қўймоқчи?
Ads

Испаниянинг “Севилья” клуби спорт директори Рамон Мончи жамоасининг келажакдаги улкан режалари ҳақида гапириб берди. Унинг сўзларига кўра андалусяликлар Ла Лигада кўпдан буён давом этиб келаёган “Барселона” ва “Реал” гегемонлигига чек қўйиб, мамлакат чемпионлигини қўлга киритиш ҳақида ўйлашмоқда.

“Бу жуда ҳам қийин вазифа. Аммо, буни уддалаш мумкин. Бу орзу, бироқ, у ушалиши мумкин.

Бундан 12 йил аввал ҳеч ким бизни Европа лигасида 5 марта ғолиб чиқишимизни ҳаёлларига ҳам келтирмаган эди. Аммо, биз буни уддаладик. Биз нималарга эришганимизни тасаввур ҳам қила олмаймиз”, - дейди Мончи Marca нашрига берган интервьюсида.

Эслатиб ўтамиз, “Севилья” Испания чемпионатининг ортда қолган 16 тури якунларига кўра 33 очко тўплаб, мусобақа жадвалида “Реал” ва “Барселона” жамоаларидан сўнг 3-ўринни эгаллаб турибди.