“Бу шартнома нега керак?”, деб сўра!

“Ливерпуль”нинг собиқ футболчиси Жейми Каррагер айни пайтда телевидениеда футбол эксперти сифатида фаолият юритмоқда.

Каррагер “Челси” сафида ортиқча ўйинчилар йиғилиб қолганини инобатга олиб, клубнинг трансфер сиёсатини қаттиқ танқид қилиб, футболчиларни бу клуб билан шартнома имзоламасликка чақирди.

- “Челси” ўйинчи сотиб олаверишни тўхтатиши лозим. Ўйинчилар бу клуб билан шартнома имзоламасин. Мен футболчи бўлганимда ўзимга “Бу шартнома нега керак?”, деган саволни берардим.

Бунақа битим тузишга сабаб бўладиган ягона омил агентнинг гапи бўлиши мумкин. Улар одатда, “биз катта суммага етти йиллик шартнома тузяпмиз, бу етти йил катта маош кафолатланади”, дейишади.

“Челси”га Жоау Феликс келди. Бир ҳафта олдин улар Педру Нетуни олди. Таркибда Коул Палмер бор экан улар қаерда ўйнайди?

Буюк клубларда рақобат керак. Лекин мен ўйнаган жамоаларда ҳар ҳафта майдонга тушишини билган 7-8 та етакчи ўйинчи бўларди, - деди Жейми Каррагер.