Бу юлдуз “Реал”ни армонда қолдирди

“Арсенал” марказий ҳимоячиси Вильям Салиба “Реал” олишни кўзлаётган ўйинчилардан бири ҳисобланади. “Қироллик клуби” анчадан бери франциялик футболчини қўлга киритиш йўлларини қидириб келади.

Сўнгги маълумотларга қараганда, “канонирлар” раҳбарияти катта сумма таклиф қилинса ҳам, мудофаа чизиғи етакчисини қўйиб юбормасликка қарор қилган.

Энг муҳими эса, Вильям Салибанинг ўзи келажаги бўйича аниқ режага эга. Sport.es сайтининг ёзишича, Салибани Лондонда ҳамма нарса қониқтиряпти. Ҳимоячи 2029 йилда бўладиган кейинги клублар ўртасидаги жаҳон чемпионатига қадар бошқа клубга ўтмаслигини таъкидлади.

“Тўпчилар” клуб билан 2027 йилнинг ярмигача давом этадиган шартномага эга 24 ёшли футболчи учун янги битим таклиф қиладиган бўляпти.

Вильям Салиба Англия Премьер-лигасига 2019 йили “Сент-Этьен”дан олиб келинган. Айни пайтда дунёнинг энг кучли марказий ҳимоячиларидан бирига айланган франциялик футболчини  Transfermarkt портали экспертлари 80 миллион еврога баҳолаяпти.