Бу юлдуз сенга керак бўлмаса, бизга бер!

“Арсенал” ярим ҳимоячиси Эмил Смит-Роуни Англия Премьер-лигасининг тўрт клуби талашяпти.

“Канонирлар” бош мураббийи Микель Артети англиялик футболчи хизматидан жйда кам фойдаланяпти. Янги мавсумда Эмил Смит-Роу барча турнирларда олти марта майдонга тушиб, жами 136 дақиқа ўйнади холос.

Футболчи “Евро-2024” мусобақасида қатнашишни истаяпти. Агар у ўйин амалиятисиз қолиб кетса, Англия терма жамоасидаги жойидан айрилиб қолади.

Ана шу омил туфайли Эмил Смит-Роу январда жамоани тарк этишга тайёр. Шу боис, уни ўз таркибида кўришни истаётган “Кристал Пэлас”, “Астон Вилла”, “Ньюкасл” ва “Эвертон” таклифи футболчи учун муҳим аҳамият касб этади.