Бу юлдуздан қилиғи учун аламимни олган бўлардим!

“Ньюкасл”нинг собиқ бош мураббийи Алан Пардью швециялик ҳужумчи Александер Исаакни жамоадан кетишга ҳаракат қилаётганини танқид қилди.

25 ёшли Исаак мавсумолди йиғинларидаги учрашувларда “Ньюкасл” учун бир дақиқа ҳам ўйнамади. У Осиё бўйлаб турнега чиқмади ва жамоа сафардан қайтганидан сўнг умумий гуруҳдаги машғулотлардан четлатилди.

Исаак нима қилиб бўлса ҳам, “Ливерпуль”га ўтмоқчи. Ливерпулликлар уни сотиб олиш учун аллақачон таклифларни жўнатган. Пардьюнинг фикрича, “Ньюкасл” раҳбарияти кетиш илинжида қайсарлигини кўрсатаётган футболчини қўйиб юбормай тўғри қиляпти.

- Менимча, бу трансфер амалга ошмайди. Чунки “Ньюкасл” қарши турибди ва улар ҳам ўйинчига нисбатан қайсарлик қиляпти. Агар мен клуб раҳбари бўлганимда, худди шундай йўл тутардим. Нархни осмонга кўтарардим.

Муаммо шундаки, Исаак жуда нотўғри йўл иш қилди. Бундан ҳам ёмони бўлиши мумкин эмас. Унинг агентлари ва маслаҳатчилари унга, ушбу ажойиб клубга хизмат қилгандан сўнг, кетишни талаб қилиш кераклигини айтган. Ва у ҳозир клубни шантаж қиляпти, — деди Алан Пардью.