Буффон 43 ёшигача ПСЖда қолиши мумкин

ПСЖ клуби раҳбарияти жамоанинг тажрибали дарвозабони Жанлуижи Буффонга янги шартнома таклиф қилмоқчи.

ESPN тарқатган хабарга кўра томонлар “1+1” кўринишидаги шартномани имзолашлари мумкин. Агар Буффоннинг ёши 41 да эканлигини инобатга олсак, у 43 ёшгача ПСЖда тўп суриши мумкин.

Бундан ташқари янги келишувга кўра Буффоннинг маоши янада оширилади. Ҳозир унинг йиллик маоши 4 млн еврони ташкил этади.

Маълумот учун, Буффон жорий мавсум ПСЖ сафида жами 20та ўйинда иштирок этди ва ўз дарвозасидан 13та гол ўтказиб юборди.