Буффон: Доннарумма “Ювентус”ни янада кучайтирган бўларди

Туриннинг “Ювентус” клуби дарвозабони Жанлуижи Буффон ўзининг ёш ҳамкасби Жанлуижи Доннаруммага қимматли маслаҳатлар берди.

“У фақат ўзини бахтли қила оладиган ишни қилиши керак. Италия терма жамоаси таркибида бўлиб турган пайтимиз у билан айни дамдаги вазияти борасида 15 дақиқача суҳбатлашиб турдик. Менимча, Доннарумма ҳам ҳудди бошқалардек ўзи истаган қарорни қабул қилиши керак.

Агар “Ювентус”да уни қўлга киритишга имконият пайдо бўладиган бўлса, Турин клуби бунинг учун албатта ҳаракат қилади. Доннарумма таркибимизни янада кучайтирган бўларди”, - дейди тажрибали дарвозабон.

Эслатиб ўтамиз, бундан аввалроқ 18 ёшли дарвозабон “Милан” билан амалдаги шартномасини узайтириши мумкинлиги борасида хабарлар тарқалган эди.