Буффонга ҳозирги ҳолат ёқмаяпти

Афсонавий дарвозабон Жанлуижи Буффон "Ювентус"дан кетишга яқин турибди.

La Gazzetta dello Sport нашрининг маълум қилишича, 43 ёшли посбон ҳозирги ўйин амалиётидан норозилиги сабаб "кекса синьора" билан амалдаги шартномани узайтиришни хоҳламаяпти.

Буффон яна бир мавсум профессионал фаолиятини давом эттирмоқчи, аммо уни қаноатлантирадиган таклифлар бўлмаса фаолиятини якунлаши ҳам мумкин.

Буффон жорий мавсум "Ювентус" сафида 10 та ўйинда майдонга тушди ва ўз дарвозасидан 5 та гол ўтказиб юборди.