Бугун "B" гуруҳида иккинчи ўрин учун жанг бўлади

Евронинг 3-тур учрашувлари старт олди. Кеча "A" гуруҳидаги барча ўйинлар ўз ниҳоясига етган бўлса, бугун иккинчи гуруҳдаги жамоаларнинг кейинги юришлари аниқ бўлади, яъни кимдир уйга, кимдир эса плей-оффга қараб йўл олади.

 "B" гуруҳида Испания аллақачон биринчи ўринни нақд қилиб бўлган. Жамоа иккинчи турда Италияни мағлуб қилиб, 6 очко билан пешқадамга айланиб олганди. Агарда Спаллетти шогирдлари бугун зафар қучадиган бўлса ҳам, иккинчи ўринда қолади. 

Деярли барчада имконият бор, хатто Хорватия ҳам иккинчи ўрин билан гуруҳдан чиқиши мумкин. Бунинг учун жамоа Италияни мағлуб қилиши керак бўлади. Албания эса Испанияга қарши майдонга тушиб, ўз омадини синаб кўради.