Бугун боксчиларимиз Қозоғистонда ўтказиладиган "Президент кубоги"га йўл олишади

Мазкур нуфузли мусобақада жаҳоннинг 13 мамлакатидан чарм қўлқоп усталари иштирок этиши кутилмоқда. Бу ҳақда бокс федерацияси матбуот хизмати хабар бериб ўтди.

Баҳсларда Жазоир, Болгария, Грузия, Ҳиндистон, Қозоғистон, Хитой, Қирғизистон, Мўғулистон, Россия, Сурия, Филиппин, Ўзбекистон ва Тожикистон мамлакатларидан 123 нафар эркак, 33 нафар аёл спортчи қатнашиши кутилмоқда.

Терма жамоамиз мусобақада қуйидаги таркибда иштирок этади:

-52 кг: Фозилжон Абдумуродов

-57 кг: Миразизбек Мирзаҳалилов

-63 кг: Камронбек Эшматов

-69 кг: Фазлиддин Мелибоев

-75 кг: Одилжон Аслонов

-75 кг: Ражаббой Атаназаров

-75 кг: Акмалбек Қосимов

-81 кг: Козимбек Мардонов

-91 кг: Сардор Ёрмуҳаммедов

Мураббийлар: Тўлқин Қиличев, Баҳодир Эркаев, Равшан Ходжаев.

Аёллар:

-57 кг: Турсуной Раҳимова

-60 кг: Райҳона Қодирова

-69 кг: Шахноза Юнусова

Мураббий: Камолиддин Муталов.

Жасурбек Қурбонов мусобақада ҳакам сифатида ишлайди. Эркаклар ўртасидаги баҳслар 8 та, аёллар ўртасидаги беллашувлар эса 5 та вазн тоифасида ташкил этилмоқда. Мусобақа 20 июлга қадар давом этади.