Бугун ЕЧЛ 4 гуруҳида сўнгги тур ўйинлари бўлиб ўтади

Бугун Европа чемпионлар лигаси мусобақасининг гуруҳ босқичи сўнгги тур баҳсларига старт берилади.

A гуруҳи

“А” гуруҳида ўтказилган  турдан сўнг ПСЖ  ва “Арсенал” жамоалари 11 очкодан жамғариб, муддатидан олдин кейинги босқичга йўл олган бўлса, “Базель” ва “Лудогорец” жамоалари 2 очкодан жамғаришган ва улар Европа лигаси йўлланмаси учун кураш олиб боради.

00:45  “Базель” – “Арсенал”

00:45  ПСЖ – “Лудогорец”

B гуруҳи

“В” гуруҳида вазият бироз ўзгача. Бу ерда учта жамоада кейинги босқичга чиқиш имконияти бор. Гуруҳ 8 очко билан етакчилик қилаётган “Наполи” шунча очкога эга “Бенфика” билан куч синашса, 7 очко билан учинчи ўринда бораётган “Бешиктош” ҳеч қандай имкониятга эга бўлмаган “Динамо К” (2 очко) майдонида қимматли 3 очкони олишга ҳаракат қилади.

00:45  “Бенфика” – “Наполи”

00:45  “Динамо Киев” – “Бешиктош”

C гуруҳи

“С” гуруҳида кутилганидек, “Барселона” (12 очко) яққол устунлик билан кейинги босқич масаласини ҳал қилиб бўлган. Иккинчи ўринда бораётган “Манчестер Сити” ҳисобида эса 8 очко бор ва улар ҳам деярли плей-оффда туришибди. Европа Лигаси йўлланмаси нақд қилган “Боруссия М” (5 очко) эса сафарда “Барселона” меҳмони бўлади.

00:45  “Барселона” – “Боруссия М”

00:45  “Манчестер Сити” – “Сельтик”

D гуруҳи

Бу гуруҳда “Атлетико” 15 очко билан аллақачон плей-оффга йўл олган. “Бавария” эса 9 очко билан кейинги босқич масаласини ҳал қилди. Бироқ қолган икки жамоа сўнгги тур баҳсида Европа лигаси йўлланмаси учун кураш олиб боради. Гарчи “Ростов” 4 очко билан бунга яқин турган бўлсада, ПСВ (1 очко) майдонида ўтадиган ўйинда голландларни фақатгина ғалаба қониқтиради.

00:45  “Бавария” – “Атлетико”

00:45  ПСВ – “Ростов”