Bugun final oldidan matbuot anjumani va rasmiy mashg‘ulot bo‘lib o‘tadi

Xabaringiz bor, 4 dekabr kuni soat 15:00da "Bunyodkor" stadionida O‘zbekiston Kubogi final uchrashuvi bo‘lib o‘tadi.

Finalda mamlakatimizning amaldagi chempioni va kubogi sohibi - "Lokomotiv" “Bunyodkor”ga qarshi bahs olib boradi.

Bugun uchrashuv oldidan “Bunyodkor” stadionining anjumanlar zalida har ikki jamoa bosh murabbiylari va etakchi futbolchilari ishtirokida matbuot anjumani o‘tkaziladi.Soat 15:30da jurnalistlarning savollariga Andrey Miklyaev hamda Timur Kapadze javob berishadi. Bu haqda klub matbuot xizmati xabar bermoqda. 

Soat 16:00da esa "Lokomotiv" jamoasi final o‘tadigan stadionda o‘yinoldi rasmiy mashg‘uloti o‘tkazadi. Uning dastlabki 15 daqiqasi OAV vakillari uchun ochiq tarzda o‘tadi.