Бугун ҳамюртимиз жаҳон чемпионига қарши жанг қилди. Натижа қандай бўлди?

Юртимизда бокс бўйича Осиё чемпионати бўлиб ўтаётганидан хабарингиз бор. Бугун мусобақа дастурига кўра дам олиш куни эди. Ушбу вақтда эса Ўзбекистон профессионал бокс федерацияси томонидан ажойиб жанг кечаси ташкил этилди. Марказий жанг -67 кг вазн тоифасида бўлиб ўтиб, унда ўзбек боксчиси Абдурасул Исмоилов ҳаваскор боксда амалдаги жаҳон чемпиони япониялик Сэвон Оказавага қарши рингга кўтарилди. 4 раунд тўлиқ давом этган жангда дурранг қайд этилди. 

Иккинчи асосий жангда иқтидорли боксчимиз Абдулазиз Нажмиддинов бошқа бир ҳамюртимиз Аббосбек Ашуралиев устидан очколар ҳисобида устун келди.

Эртага эса муҳлисларни Осиё чемпионати финал жанглари кутиб турибди.