Бугун "Ҳумо" КХЛда иштирок этадиган жамоа фарм-клубига қарши ўйнайди

Тошкентнинг "Ҳумо" жамоаси Хитой жамоаларига қарши уй учрашувлари сериясини давом эттиради. Бугун Евгений Попихин шогирдлари Пекиннинг "КРС-БСУ" жамоасига қарши музга чиқишади.

Маълумот учун, бугунги рақиб Континенталь Хоккей Лигасида иштирок этадиган "Кунлунь  Ред Стар" жамоасининг фарм-клуби саналади. Жамоа 2019 йилда ташкил этилган бўлиб, айни вақтда турнир жадвалидаги 18 клуб (Конференция 1) орасида 17-ўринни (18 очко) эгаллаб турибди.

Мазкур баҳс соат 17:00 да Тошкентдаги "Ҳумо-Арена" муз саройида бўлиб ўтади.