Бугун Жаҳон чемпионатида тўрт нафар дзюдочимизга мухлислик қиламиз!

Озарбайжон пойтахти Боку шаҳри мезбонлик қилаётган катталар ўртасидаги Жаҳон чемпионати муросасиз курашлар остида давом этмоқда. 

Бугун мусобақанинг бешинчи куни эркаклар ўртасида -90, аёлларда эса -70 кг вазн тоифасида беллашувлар ташкил этилади. Бугунги дастурда терма жамоамизнинг бир йўла тўрт нафар вакили — Нурбек Муртазоев, Умар Бозоров, Хуршида Раззоқбердиева ва Ширинжон Йўлдошева татамига чиқади. 

Дзюдочиларимизнинг илк давра баҳслари:

-90 кг: Нурбек Муртазоев — Рой Сиван (Исроил)/Эдуард Триппел (Германия)
-90 кг: Умар Бозоров — Алекса Митрович (Франсия)
-70 кг: Хуршида Раззоқбердиева — Тамара Лишченко (Россия)
-70 кг: Ширинжон Йўлдошева — Ида Эрикссон (Швеция)

Бу ҳақда Ўзбекистон дзюдо федерацияси матбуот хизмати хабар бермоқда.