Бугун Намангандаги стадионда илк маротаба клуб мадҳияси куйланади

Хабарингиз бор, бир неча ой олдин "Навбаҳор" клуби раҳбарияти жамоа мадҳияси учун танлов эълон қилганди. Бунда Баҳодир Жўраевнинг мадҳияси клуб мутасаддилари томонидан маъқул кўрилди ва бугун бўлиб ўтадиган "Навбаҳор" - "Сўғдиёна" учрашувида мазкур мадҳия мухлислар томонидан жўр бўлиб куйланади.

Ушбу мадҳиянинг мусиқаси "Реал" клубининг мадҳиясиники билан бир хил.

Навбаҳор”

Баҳодир Жўраев сўзи 

Биз, Наманган лочини футбол билан яшаймиз,

Ғолиблик йўли сари олға қадам ташлаймиз.

Ёмғир ёки иссиқда тўлар ўйингоҳимиз,

Чунки фахрим “Навбаҳор” - бизнинг жон-у дилимиз.

Нақорат

“Навбаҳор”, “Навбаҳор”, “Навбаҳор” бизга ғалаба даркор,

Буюк “Навбаҳор”!!!

Биз доим қувонч билан меҳмонларни кутамиз,

Меҳнат қилсак албатта, ғалабага етамиз.

Қани, энди баралла келинг, бирга айтамиз,

Наманганнинг енгилмас учқур лочинларимиз.

Нақорат

“Навбаҳор”, “Навбаҳор”, “Навбаҳор” бизга ғалаба даркор,

Буюк “Навбаҳор”!!!