Bugun O‘zbekiston hamda Malayziya terma jamoasi o‘zaro o‘rtoqlik uchrashuvda kuch sinashadi

Malayziya hamda Indoneziyaning milliy sport turi hisoblanadigan penchak silat yakkakurash turi yurtimizda ham asta-sekin rivojlanib bormoqda. Bir qator nufuzli turnirlar va festivallarning o‘tkazilishi ham an’anaga aylanib ulgurgan.

Jumladan, bugun ya’ni, 2 aprel kuni Toshkent shahrida joylashgan "Ashxobod" maskanida O‘zbekiston penchak silat federatsiyasi tomonidan o‘ziga xos shou tashkil etiladi. Yanada aniqroq qilib aytsak, soat 15:00 dan - 18:00 ga qadar, penchak silat buyicha O‘zbekiston va Malayziya terma jamoalari  o‘zaro o‘rtoqlik uchrashuvda kuch sinashadi. Shuningdek, mazkur tadbirdan estrada yulduzlarining chiqishi va boshqa tadbirlar ham o‘rin olgan.