Бугун "Пахтакор" стадионига қанча томошабин ташриф буюрди?

Бугун Тошкентда Осиё Чемпионлар лигаси гуруҳ босқич 2-туридан ўрин олган “Пахтакор” ҳамда “Ал Аҳли” клублари ўртасидаги учрашув бўлиб ўтганидан хабарингиз бор.

Қизиқарли ва муросасиз курашларга бой кечган баҳс 1:0 ҳисобида мезбонларнинг ғалабаси билан якунланди.

Берилган маълумотларга қараганда ушбу учрашувни 25 250 нафар ишқибоз бевосита стадиондан туриб кузатиб борди. Қайд этиш лозимки, яқин орада “Пахтакор” учрашувини томоша қилиш учун бу қадар кўп мухлис ташриф буюрмаган эди.

Маълумот учун, Шота Арвеладзе шогирдлари айни дамда 4 очко билан гуруҳда биринчи ўринни эгаллаб туришибди.