БУМ! "Ан-Наср" "Реал" юлдузига рад этиб бўлмайдиган таклиф берди

"Реал" етакчиси Лука Модрич фаолиятини Осиёда давом эттириши мумкин.

Журналист Рамон Альварес тарқатган хабарга кўра, "Ан-Наср" хорватиялик ярим ҳимоячини ўз таркибига қўшиб олиш учун жиддий бел боғлаган. Ар-Риёд жамоаси унга 40 миллион евро маош кўрсатилган икки йиллик шартнома таклиф этмоқда.

Ўз навбатида, Луканинг "қаймоқранглилар" билан амалдаги келишуви 2023 йилнинг июнь ойида якунига етади. "Қироллик клуби" раҳбарияти унга янги битим бериш вариантига шубҳа билан қараяпти. Сабаб сифатида унинг ёши 37 да экани кўрсатилмоқда.

Аввалроқ, "Ан-Наср" мадридликларнинг бошқа бир юлдузи Эден Азарни сотиб олмоқчи экани хабар қилинганди.