Бунақаси камдан-кам бўлади. Саратонга учраган футболчи 1,5 йиллик танаффусдан сўнг яна АПЛда майдонга тушди

Кеча Англия Премьер-лигасининг 28-туридан ўрин олган "Астон Вилла" ҳамда "Борнмут"  (3:0) учрашуви футбол оламига қувончли хабар олиб келди.

Маълум бўлишича, "Борнмут"нинг 25 ёшли ярим ҳимоячиси Дэвид Брукс 531 кун ичида илк бор майдонга тушди. “Манчестер Сити” тарбияланувчиси учрашувнинг 79-дақиқасида Адам Смит ўрнига захирадан ўймнга қўшилди.

Эслатиб ўтамиз, Брукс Ер юзида яшовчи ҳар бир одам дуч келиши мумкин бўлган хасталикка – саратонга чалинган.

Қувонарлиси, уэльслик футболчи ўтган йили бу касалликни муваффақиятли енггани ҳақида хабар пайдо бўлди. Кейинчалик "Борнмут" тузалиб кетган футболчи билан шартномани узайтирганини эълон қилди.