Бундеслига. "Бавария" "Боруссия" Дортмунддан 10 очко илгарилаб кетди

Ҳозиргина Германия Бундеслигаси 29-туридан ўрин олган "Бавария" ҳамда "Фортуна" жамоалари ўртасидаги ўйин ўз ниҳоясига етди. "Альянц Арена" стадионида кечган учрашувда мезбонлар 5:0 ҳисобидаги йирик ғалабани қўлга киритди. 

Шу тариқа, барча мусобақаларда қаторасига ўнинчи ғалабани қўлга киритган Ханс-Дитер Флик шогирдлари ҳисобидаги очколар сони 67 тага етди ва жамоа турнир жадвалида "Боруссия"дан 10 очко илгарилаб кетган ҳолда пешқадамликни давом эттирмоқда. Дортмундликлар ҳисобида захирада битта ўйин бор эканлигини қўшимча қилиш жоиз.