Бундеслига гранди "Рома" ҳужумчисига қизиқиб қолди

Римнинг “Рома” клуби форварди Патрик Шик фаолиятини Германия Бундеслигасида давом эттириши мумкин.

Маълумотларга қараганда чехиялик футболчининг хизматларига “РБ Лейпциг” клуби жиддий қизиқиш билдирмоқда. Улар Шикни жамоадан кетиши мумкин бўлган ҳужумчи Жан-Кевен Огюстеннинг ўрнига муносиб номзод сифатида кўришмоқда.

“РБ Лейпциг” 23 ёшли Шикни кейинчалик сотиб олиш ҳуқуқи билан ижарага олишмоқчи.

Маълумот учун, Патрик Шик ўтган мавсум А Серияда 24та ўйинда майдонга тушди ва ўз ҳисобига 3та гол ҳамда 2та голли узатма ёздириб қўйишга эришди.