Бундеслигада навбатдаги истеъфо юз берди

“Майнц” клуби бош мураббийи Ян-Мориц Лихте истеъфога чиқарилди. Бу ҳақда клуб расмий сайти хабар тарқатмоқда.

Юқоридаги манбага кўра, унинг ўрнига “Майнц”нинг ёшлар жамоаси устози Ян Сиверт вақтинча бош мураббий лавозимида ишлаб туради.

“Ян-Моритс Лихте - қийин вазиятда клуб учун кўп иш қилган ҳақиқий профессионал. Ундан миннатдор бўлишимиз керак. Биз Лихтенинг клубда қолишини истардик, аммо бу масалани кейинроқ муҳокама қиламиз”, - деб ёзилади клуб баёнотида.

“Майнц” 13 турдан сўнг Бундеслига мусобақа жадвалида 6 очко билан 17-ўринда бормоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)