"Бунёдкор" дарвозабони "Локомотив"га кўчиб ўтди

“Бунёдкор”да фаолият олиб борган 26 ёшли дарвозабон Абдумавлон Абдужалиловнинг клуб билан тузган шартномаси деярли тугади. У якунига етаётган мавсумда 18 та учрашувда майдонга тушди.

Бунга қадар “Пахтакор” ва “Нефтчи” клубларида ҳам тўп сурган Абдужалилов “Бунёдкор”ни тарк этди ва келаси йили “Локомотив” шарафини ҳимоя қилади. Бу ҳақида у sports.uz сайтига шундай деди:

- “Бунёдкор” билан тузган шартномам 31 декабрь куни тугайди. Ҳа, “Локомотив”дан таклиф тушди, у ерга бордим ва раҳбарлар билан гаплашдим. Худо хоҳласа, янги мавсумни “Локомотив”да ўтказаман. Янги йилдан кейин клуб матбуоти бу ҳақда расман эълон қилса керак, - деди Абдужалилов.

Фикрлар

Фикр қолдириш учун авторизациядан ўтинг!