"Бунёдкор" машғулотларга қайтди

Суперлигада юзага келган танаффус сабабли қисқа муддатли таътилга чиққан “қалдирғочлар” машғулотларга қайтди.

Мурод Отажонов бошчилигидаги “Бунёдкор” Суперлиганинг 13-туридан ўрин олган “Пахтакор”га қарши ўйин учун режа асосида тайёргарликни бошлади.

Таркибда йўқотишлар йўқ. Аксинча, мураббийлар штаби ўринбосарлар сафида ўзини кўрсатаётган бир қатор ёшларни машғулотларга жалб қилган.

Ўзбекистон ёшлар терма жамоаси сафида жаҳон чемпионатида иштирок этиб қайтган Маҳмуд Маҳамаджонов ҳамда Жаҳонгир Ўрозов бугун Темур Кападзе мураббийлигидаги Олимпия термаси йиғинига бориб қўшилди.

Эслатиб ўтамиз, Суперлиганинг 13-туридан ўрин олган “Бунёдкор” – “Пахтакор” учрашуви 25 июнь куни бўлиб ўтади.

"Бунёдкор" матбуот хизмати.