"Бунёдкор" ва "Қизилқум" чемпионат доирасида 33 марта тўқнашган

"Қизилқум" жамоаси эртага суперлига 21-тур учрашувини Тошкентнинг "Бунёдкор" жамоасига қарши ўтказади.

Ушбу жамоалар миллий чемпионатларда ўзаро 33 учрашувда майдонга тушишган. Уларнинг 7 тасида навоийликларнинг қўли баланд келган бўлса, яна 20 та ўйинда "Бунёдкор" жамоасининг устунлиги қайд этилган. Қолган 6 учрашувда жамоалар муроса кўчасини танлаган. Тўплар нисбати эса 60-27, "қалдирғочлар" фойдасига.

"Қизилқум" жамоасининг ўзаро учрашувларда қўлга киритган  ишончли ғалабаси 2022 йилда бўлиб, ўшанда "кончилар" рақибни 3:1 ҳисобида мағлуб этишган.

"Бунёдкор" ва "Қизилқум" жамоаларининг сўнгги 5 учрашув натижалари:

"Қизилқум" 2:0 "Бунёдкор"

"Бунёдкор" 1:2 "Қизилқум"

"Қизилқум" 3:1 "Бунёдкор"

"Бунёдкор" 1:0 "Қизилқум"

"Қизилқум" 2:1 "Бунёдкор"